ફેસબુક નાં વીરો ફેસબુક નાં વીરો…! ફેસબુક હવે બહુજ સુલભ થઇ ગયું છે, એટલે તેના ખાતાધારકો ખુબ વધ્યા છે, આ ફેસબુક નાં ખાતાધારકો વિવિધ સ્વભાવ નાં અને વિવિધ સ્તર નાં હોય છે, પણ એક વાત આ બધામાં કોમન હોય છે,,,તે એ કે “મારી વિરુદ્ધ કોઈએ લખવું ન જોઈએ.”આ મિત્રો મા આગળ કહ્યું તેમ વિવિધ સ્તર નાં વ્યક્તિઓ હોય છે, કેટલાક તેમના વિષય નાં પ્રકાન્ડ પંડિત હોય છે, તેમના વિષય મા કાઈ પણ લખવું હોય તો માનસિક રીતે બરાબર તૈયાર થઇ નેજ લખી શકાય, જો તેમના વિચાર થી જરા જુદા પડ્યા કે તમારા છોતરા કાઢી નાખવા મા આવે, આ મિત્રો માં થી કોઈ પક્ષીવિદ હોય છે, તો કોઈ વનસ્પતિ નાં નિષ્ણાત હોય છે, કોઈ જ્યોતિષ માર્તંડ અને વાસ્તુ શાસ્ત્ર નાં માંધાતા હોય છે, કોઈ પરમ આસ્તિક હોય છે તો કોઈ નાસ્તિકતા ને વળગેલા હોય છે, કોઈ વિજ્ઞાન નેજ પરમજ્ઞાન સમજનારા હોય છે, તો કોઈ દંતકથાઓ મા વિશ્વાસ ધરાવતા હોય છે, કોઈ રામ ને ઈશ્વર માને છે તો કોઈ કૃષ્ણ અથવા શિવ ને, કોઈ બુદ્ધ ને સાચા માને છે તો કોઈ મહાવીર ને, આ ઉપરાંત અસંખ્ય દેવદેવીઓ તો હોયજ છે જેમના અનેક અનુયાયીઓ હોય છે, કોઈ ગાંધીને ધિક્કારતા હોય છે તો કોઈ ભગતસિંહ નેજ સાચા સ્વનાત્ર્ય્દાતા સમજનારા હોય છે, કોઈ નથ્થુરામ ગોડસે ની પૂજા કરનારા હોય છે તો કોઈ નહેરુવંશ ને ભારત નાં દુશ્મન સમજતા હોય છે, ફેસબુક એક વિચાર મંચ છે, અહી કોઈ પાબંધી નથી. તમે તમારા વિચારો વિના સંકોચે વ્યક્ત કરી શકો છો, દરેક માન્યતા નાં કોઈ ને કોઈ અનુયાયીઓ મળીજ રહે છે, પણ એક વસ્તુ જરા અસ્વાભાવિક લાગે છે, અહી વિચાર વ્યક્ત કરનાર પોતાના થી જરા જુદા વિચાર ને સાંખી શકતા નથી. વિચારો નું આમ તો કોઈ મહત્વ નથી. આપણે ધારેલા સત્ય ને આખું જગત સ્વીકારવા નું નથી.તો જરા વિરોધ દેખાય તો એ સામે મોટું મન રાખવું જોઈએ એવું આ મહાનુભાવો વિસરી જાય છે, અરે આ જગતે કૃષ્ણ, બુદ્ધ મહાવીર કે ગાંધી નાં વિચારો પણ નથી સ્વીકાર્યા તો તમારી ફેસબુક પોસ્ટ ની શી વિસાત છે..?તમે એવા કયા પયગંબર છો કે તમારી વિરુદ્ધ કશું કહીજ ન શકાય..?તમારા વિચારો ને માનવા વાળા માનશે, પણ બધાએજ એ માનવા જોઈએ એવો આગ્રહ રાખનાર તમે એવી કઈ હેસિયત ધરાવો છો..? ઘણા તો તેના વિચારો મા એટલા દ્રઢ હોય છે કે કોઈ એમનું સમર્થન કરે તે પણ સમજી શકતા નથી, એમનું વૈચારિક ઝનૂન એટલું હોય છે કે તેમના પક્ષ મા લખીએ તો પણ એ લોકો વિરુદ્ધ જ સમજે છે, તમે જેમ તમારા વિચારો વ્યક્ત કરી શકો છો તેમ બીજા પણ કરી શકે છે, તમારું જ્ઞાન ભલે ઉત્તમ કોટી નું હોય પણ એ બીજાઓ ઉપર પરાણે થોપવાનું તો ન હોય ને..!અને તમારો વિરોધ થઇ જ ન શકે એવા તમે કોણ છો..?આવા ઝનૂની વિચારકો સમર્થન ને પણ સમજી શકતા નથી, હું અહી એક વિદ્વાન નાં લેખો ઉપર મુગ્ધ હતો, અને હંમેશા તેમના સમર્થન મા કઈક કોમેન્ટ કરતો, પછી એકાએક શું થયું કે તેમણે એવું જાહેર કર્યું કે આ માણસ હંમેશા મારી વિરુદ્ધ માજ લખે છે, એના જૂથ નાં બીજાઓ પણ સમજ્યા કર્યા વિના કહેવા લાગ્યા કે હા, આ મારી પોસ્ટ નો પણ વિરોધજ કરે છે…!પહેલા તો એ કે તમારો વિરોધ માં કર્યોજ નહોતો, સમર્થન કર્યું હતું, અને તમારો વિરોધ થઇ જ ન શકે એવું વરદાન તમને કોણે આપ્યું..?શુતામારું જ્ઞાન અંતિમ જ્ઞાન છે..?તેની ઉપરવટ જઈ જ ન શકાય..?જોકે હું તો હંમેશા તેમના લેખ નિજ પ્રતિક્ષા કરતો, કારણ મને તેમના લેખો ગમતા હતા, પણ તેમણે મને કોઈ કારણ વગર જાહેર મા જાટકી નાખ્યો. !!.આનું શું કરવું..? શું ફેસબુક તેમની માલિકી નું છે..?અને આપણે શું તેમના બગીચામાં ગેરકાયદે ઘુસી ગયેલા કંગાલો છી એ..?ફેસબુક નાં માલિક ની હેસિયત થી તેઓ આપણ ને હાંકી કાઢવા તૈયાર જ હોય છે, એવું કેમ..?શું બીજા ને અહી લખવા નો અધિકાર જ નથી..? અને જૂથબંધી પણ કેવી સોલીડ છે, તેમના વળ નાં કોઈ વિદ્વાને કાઈ લખ્યું તેને આંખ મીચી ને સમર્થન આપવાનુજ. પછી ભલે તે તેમનો વિષય હોય કે નહિ. અને એ વિદ્વાને કોઈ ની ફરિયાદ કરી તો જૂથ નાં બધાજ તેની ખબર લઇ નાખવા તૂટી પડવાના…! એક બે દાખલા આપું છું. એક મિત્રે કોઈ પક્ષી નું ચિત્ર મુક્યું , મેં મારી સમાજ મુજબ એ પક્ષી નું નામ લખ્યું, આટલી સાધારણ વાત ઉપર તે ભાઈ મારા ઉપર , મારા અજ્ઞાન ઉપર વરસી પડ્યા, અલ્યાભાઈ મારું અનુમાન ખોટું હતું એ બરાબર પણ એ બદલ ન કહેવાના શબ્દો કહેવાનો તને કોને અધિકાર આપ્યો..?આ પ્લેટફોર્મ કોઈ નાં પિતાશ્રી ની જાગીર તો નથી ને..? બીજા એક પ્રસંગે આપણા એક મહાન જ્યોતીશાચાર્ય નાં એક વિધાન ઉપર મેં વિદ્યાર્થી ભાવે પ્રશ્ન કર્યો, બસ, થઇ રહ્યું, તેમને જવાબ આપવા નાં બદલે વિરોધ કરનાર સમજી ને મારા વિરુદ્ધ લખી નાખ્યું કે આ માણસ હંમેશા મારી વાત નો વિરોધજ કરે છે…!અલ્યાભાઈ તું જરા જો તો ખરો, કે હું તો તારો એક પ્રશંશક છું, અને શિષ્યભાવે જ પ્રશ્ન પૂછ્યો છે. પણ આવી સહિષ્ણુતા આ મહાનુભાવો મા હોતી નથી, અને એ વિદ્વાન નાં ગ્રુપ નાં અન્ય બધાજ વિદ્વાનો એ પણ મારી વિરુદ્ધ ફરિયાદ કરવા માંડી, એમાં નાં કેટલાક ને તો હું નામ થી પણ ઓળખાતો નથી…! એક પ્રસંગે મારા થી સ્વામી રામદેવજી પ્રશાન્શામાં કઈક લખાઈ ગયું, એ સામે ઘણા જાણીતા વિદ્વાન તેમની કલમ ની લાકડી લઇ ને લગભગ અશોભનીય કહેવાય એવી ભાષા મા મારી સામે કુદી પડ્યા. વિચારો બધાના જુદા હોય છે, એ વિચારો નું ઘડતર બુદ્ધિ, સંસ્કાર,અનુભવ ,અને શ્રદ્ધા નાં ઉપર આધારિત હોય છે, તમે તમારા વિચારો મુજબ ગાંધીજી ને ગાળો આપો, કે કોઈ વિદ્વાન ઈશ્વર નાં અસ્તિત્વ ને નકારે , કે કોઈ મોદી ની ભક્તિ કરે કે વિરોધ કરે એના થી જગત નું ચક્ર ફરતું અટકી જવાનું નથી. કે તમે વ્યક્ત કરેલ વિચારજ અફર સત્ય છે એવું પણ હોતું નથી, તો પછી જેને જે લખવું હોય તે લખવા દો ને..!તમેજ સાચા છો એમ શામાટે માનો છો ..? એ આત્મવિશ્વાસ નહિ પણ અહંકાર છે, કોઈ આસ્તિક હોય એમાં તમારું શું જાય છે..? કે કોઈ નાસ્તિક હોય તો પણ તમને શું નડે છે..? એને સુધારવા કેમ દોડી જાઓ છો..?તમે શું પયગંબર છો ?અને તમારે આ તમારી દ્રષ્ટિ એ અજ્ઞાન લોકો નો ઉદ્ધાર કરવા નું અવતાર કૃત્ય કરવા નું છે..?તો પછી તમે જેમ તમારા વિચારો મા દ્રઢ છો તેમ બીજાઓ પણ હોઈ શકે એ સ્વીકારતા તમને શું તકલીફ પડે છે..? આવા આગ્રહી લોકો નાં કારણે આવું માધ્યમ એક અખાડો બની જાય છે, બધાજ પહેલવાનો અંદર ઉતરી પડે છે અને વૈચારિક કુસ્તી મા ઘાયલ થતા રહે છે, અમેજ સાચા, અમનેજ અહી લખવાનો અધિકાર છે, બીજાઓ ને ઊંચકી ને ફેંકી દેવા જોઈએ, આવો અહંકાર જરા પણ શોભતો નથી. તમે સંમત હોતો લાઇક આપો, ન સંમત હોતો ધીમે થી સરકી જાઓ. પણ કારણ વગર નો ધિક્કાર શા માટે ઉભો કરો છો..? બીજી પણ વાત છે, બીજાઓ ને ઉતારી પાડનાર વિદ્વાનો એટલા જ્ઞાન થી સભર છે તો કેમ કોઈ તેમને ફેસબુક ની બહાર ઓળખતા નથી..?દુનિયાભર નાં વર્તમાન પત્રો મા કે સામયિકો મા તેમના લેખો કેમ નથી આવતા..?તમેજ એકલા પરમ વિદ્યાધર છો તો આવું ફેસબુક નું મર્યાદિત માધ્યમ ને છોડી ને જગતભર નાં સાહિત્ય મા તમારો ડંકો કેમ નથી વાગતો. ? મને યાદ છે, એક વાર કોઈ ભાઈએ દોસ્તી વિષે લખ્યું, મેં તેમના સમર્થન મા એક જાણીતી કહેવત લખી કે “ તમારા જેવો દોસ્ત હોય એને દુશ્મન ની જરૂર ન પડે..!”બસ થઇ રહ્યું, એમણે કહેવત નો મર્મ સમજ્યા વિના ગુસ્સો ઠાલવ્યો કે મેં તામારું શું બગાડ્યું છે..>હું તમને ઓળખાતો પણ નથી, પછી મારી દોસ્તી સામે કેમ આવા ઉચ્ચારો કરો છો..?”આટલા વિદ્વાન હોવા છતાં તેઓ એક કહેવત જે તેમના સમર્થન મા કહેવાઈ હતી એને સમજી ન શકયા… આવા ઘણા અનુભવો પછી લાગે છે કે વૈચારિક ઝનૂન ધરાવતા વિદ્વાનો ની અડફેટે ન ચઢવું, તેમનો વિચાર ગમે તો લાઈક આપવું પણ કોમેન્ટ ન કરવી કોણ જાણે કોમેન્ટ મા પણ તેમની લાગણી ઘવાય તો….!જંગલ મા એકલા ફરતી વખતે જેવી સાવધાની રાખતા હોઈએ એવીજ સાવધાની અહી પ્રવેશ તા પણ રાખવી જોઈએ.નહીતર શિકાર થઇ જવાય…! આ સામાન્ય વાતો છે કોઈ બંધબેસતી પાઘડી પહેરી નહિ લે એવું માનું છું   Leave a comment

Advertisements

Posted ઓગસ્ટ 1, 2017 by sureshmsheth67 in Uncategorized

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: